Akuersissutit
Merkur Bets tassaavoq aningaasanoorutinik tuniniaasartoq, Danmarkimi Kalaallit Nunaannilu qarasaasiakkut kasinornermik aammalu qarasaasiakkut eqquiniulluni akilerniunermik neqerooruteqarnissamut Spillemyndigheden-imit akuersissuteqartoq. Akuersissutit 3. juuli 2026 tunniunneqarput, J.nr. 26-623926 aamma 26-623928.
Niuernermi ilisarnaat "Merkur Bets" atorlugu aningaasanoorutinik neqeroorutit tamatigut Merkur Betsimit neqeroorutigineqartarput, suliffeqarfillu sullitamut isumaqatigiissuteqarnermi illuatungiliuttuuvoq.
Ukiunut killigititaq
Kiffartuussissutit inunnut 18-inik ukioqalereersimasunut atorneqarsinnaapput.
Kiffartuussissutit 18-it inorlugit ukiulinnut aammalu Spillemyndighedenip Aningaasanoortartut Kajumissutsiminnik Mattunneqartut pillugit Nalunaarsuiffia (ROFUS) aqqutigalugu aningaasanoornermit mattunneqarsimasunut atorneqarsinnaanngillat. Kiffartuussissutinik atuisinnaannginneq aamma atuuppoq 18-it inorlugit ukiulik angajoqqaamik, angajoqqaatut akisussaasumik imaluunniit inersimasumik allamik (18-it sinnerlugit ukiulimmik) ingiaqateqaraluarpalluunniit. Aningaasanoorutinik neqeroorummut atatillugu sullitap uppernarsarpaa aningaasanoornermut uerinermik (ludomani) ajornartorsiuteqarnani. Tamatuma saniatigut sullitap uppernarsarpaa inatsisitigut imaluunniit pissutsit allat pissutigalugit aningaasanoornermi peqataanissaminut akornutissaqarnani.
Merkur Bets sullitap ukiut pillugit piumasaqaat naammassisimaneranik uppernarsaat piumasarisinnaavaa. Aningaasanoornermi peqataasinnaajumalluni sullitap tassunga atatillugu Merkur Betsip ilitsersuutai periuserisaalu malissavai.
Merkur Betsip kiffartuussissutaasa inunnit atuisinnaatitaanngitsunit, matumani 18-it inorlugit ukiulinnit, akuerisaanngitsumik atorneqarnerat Merkur Betsip akisussaaffiginngilaa. Taama pisoqartoq paasineqarpat Merkur Bets eqqukkat tunniunneqanngikkallartissinnaavai, aningaasanoornermut konto matuarsinnaavoq aammalu inummut atuisinnaatitaanngitsup imaluunniit 18-it inorlugit ukiullip aningaasanoorutinik neqeroorummik akuerisaanngitsumik atuinissaanik periarfissiisumut inatsisitigut iliuuseqarsinnaavoq.
Aningaasat ikisinissaannut killiliissutitt
Sullitat aningaasanoornermut kontomik nalunaarsuinerminni kontomut aningaasat ikisinissaannut killiliissutissamik ataatsimik arlalinnilluunniit aalajangersaassapput. Aningaasanoornermut kontomik nalunaarsuineq naammassineqarsinnaanngilaq, aningaasanoornerlu aallartinneqarsinnaanani killiliissutit aalajangersarneqareertinnagit.
Sullitap ullormut, sapaatip-akunneranut imaluunniit qaammammut aningaasat ikisinissaannut killiliissut ataaseq toqqarsinnaavaa. Sullitaq aamma killiliissutit tamaasa imaluunniit arlallit toqqarsinnaavai (taamaaliortoqarnissaalu kaammattuutigineqarpoq). Killiliissutit arlallit toqqarneqarsimappata imminnullu naapertuutinngippata, killiliissut aalajangersarneqarsimasoq appasinnerpaaq atuutissaaq.
Killiliissut aalajangersarneqarsimasoq pisariaqartitsineq naapertorlugu allanngortinneqarsinnaavoq. Aningaasanoorneq pillugu inatsisit naapertorlugit aningaasat ikisinissaannut killiliissutip qaffanneqarnera aatsaat aalajangiinerup kingorna akunnerit 24-t qaangiunneranni atuutilersinnaavoq; killiliissut appartinneqarpat ingerlaannaq atuutilissaaq.
Merkur Bets sullitap aningaasanoorneranut killiliissutinik allanik aalajangersaanissamut periarfissiivoq. Merkur Betsip sullitat taakku atornissaannut kaammattorpai.
Naammagittaalliuutit
Naammagittaalliuuteqarnerup imaluunniit teknikikkut ajornartorsiuteqarnerup nalaani Sullitaq sullitanut ikiuisarfimmut (support@merkurbets.dk) e-mailikkut ajornartorsiummik sukumiisumik nassuiaateqarluni attaveqarsinnaavoq imaluunniit nittartakkami toqqaannartumik chat (livechat) atorsinnaallugu. Sullitanut ikiuisarfik naammagittaalliuutip nassiunneqarnerani attaveqaqatigiinnermut aqqut atorneqartoq taanna atorlugu aaqqiissutissatut siunnersuummik akissuteqassaaq.
Saaffiginnissutip suussusia apeqqutaalluni sullitap Merkur Betsip toqqagaanik periuseqarluni aningaasanoornermut kontomik piginnittuunini uppernarsassavaa.
Sullitap ajornartorsiut aaqqinneqarsimanngitsoq isumaqarfigippagu, ajornartorsiut Nævnenes Hus-imut uani nalunaarutigineqarsinnaavoq: https://naevneneshus.dk/ .
Sullitap aningaasanoornermut kiffartuussissummik neqeroornerup ilaa inatsisinik unioqqutitsisoq imaluunniit isumannaatsuunngitsumik, naapertuilluanngitsumik imaluunniit ersarissuunngitsumik ingerlanneqartoq isumaqarfigippagu, Spillemyndighedenimut naammagittaalliortoqarsinnaavoq. Malugiuk Spillemyndigheden illuatungeriit akornanni aaqqiagiinnginnernik aalajangiineq ajormat.
Akisussaassuseqartumik aningaasanoortarneq
Eqqaamajuk: aningaasanik aningaasanoorneq nuannersuussaaq aammalu aliikkutassatut isigineqassalluni. Aningaasanoornermi peqataaneq inuuninni aningaasartuutit allat akilernissaannut aningaasalersuinertut imaluunniit ulluinnarni ajornartorsiutinit qimaaffittut atorneqassanngilaq.
Aningaasanoorneq nuannersuujunnaarpat, unitsinnissaanut piffissanngorpoq!
- Aningaasat annaasinnaasatit kisiisa atorlugit aningaasanoorit,
- Aningaasat aningaasanoornermi inissitatit annaasinnaagit paasillugu,
- Aningaasanoorneq aningaasaliinerunngilaq – aliikkutaavoq.
- Unikkallartarit,
- Piffissat allanik amerlasuunik atorsinnaagit eqqaamajuk.
Aningaasanoorneq aningaasanik inissiffiginiakkat qanoq ingerlasarnersoq paasiuk,
18-it inorlugit ukiullit aningaasanoornermi peqataassanngillat. 18-it inorlugit ukiulinnut aningaasanoorutinik neqerooruteqarneq inatsisinik unioqqutitsinerup saniatigut, ilisimatusarnerup takutippaa aningaasanoornermut siusissukkut attaveqarneq inuunerup kingusinnerusortaani kingunipiloqarsinnaasoq.
Aningaasanoornermut uerinerup (ludomani) kingunerisinnaasai
Aningaasanoornermik ajornartorsiuteqarneq assigiinngitsunik sakkortussuseqarsinnaavoq, naggataatigullu aningaasanoornermut uerinermik, ludomanimik aamma taaneqartartumik, kinguneqarsinnaalluni.
Ajornartorsiutip sakkukinnerpaaffiani ataasiaannarluni marloriarlunilluunniit aallaqqaammut pilersaarutigisannit aningaasanik amerlanerulaartunik imaluunniit annertunerujussuarnik atuisoqarsinnaavoq. Tamanna piffissap sivikitsup iluani aningaasaqarnikkut annertunerusumik kinguneqarsinnaavoq, imaluunniit aningaasanoornermut piffissaq atorsimagakku inuuninni pisussanut allanut peqataanngitsoorsinnaavutit.
Aningaasanoornermik ajornartorsiuteqarnerup sakkortunerpaaffiani aammalu ludomanimi ajoqusiinerit ilinnut, ilaquttannut ikinngutinnullu sunniuteqarsinnaapput. Aningaasanoornermut uerisimasoq aalajangiisinnaavoq nammineq aningaasaqarneranut annertuumik kinguneqarsinnaasunik, naggataatigullu ilaquttaminut ikinngutiminullu attaveqarnerminik ajoqusiisinnaasunik.
Aningaasaqarnerpit saniatigut aamma timikkut tarnikkullu peqqissutsit aningaasanoornermik ajornartorsiuteqarnermit ajoquserneqarsinnaavoq.
Aningaasanoornermut uerineq (ludomani) aningaasanoortumut qanigisaasunullu assigiinngitsorpassuarnik ilungersunartunik kinguneqarsinnaavoq. Ludomanimik ajornartorsiuteqartoq ataaseq pineqartillugu inuit 8-10-t inuunerminni sunnerneqartarput. Aningaasanoornermut uerisimasoq aningaasanoornermut aammalu qanoq aningaasanoornissaminik pilersaarusiornermut piffissarujussuaq eqqarsaatinilu amerlasuut atortarpai. Tamanna inuunermi pingaarutilinnut allanut, soorlu ilinniarnermut, suliffimmut sunngiffimmilu soqutigisanut, annertuumik sunniisarpoq. Assersuutigalugu sininnissaminut taarsiullugu unnuakkut qarasaasiap saani aningaasanoorsinnaavoq. Aningaasanoornermik ajornartorsiuteqarneq ikinngutinut, aappaasamut qanigisaasunullu allanut attaveqarnermut aamma akulikitsumik sunniuteqartarpoq. Aningaasanoornermut uerineq aamma aningaasaqarnikkut kinguneqarsinnaavoq, akiitsoqarnermik aningaasaqarnikkullu pinerluttuliornermik kinguneqarsinnaalluni. (Oqaasertat Center for Ludomani suleqatigalugu suliarineqarput, nittartagaannilu https://ludomani.dk/ nassaarineqarsinnaapput.)
Imminut misiligit!
Ilaannikkut aningaasanoornermi pilersaarutigisannit aningaasanik amerlanerusunik atuisimallutit imaluunniit ullup ilarujussua aningaasanoornermut atorsimallugu misigisimavit? Taava imminut misilitsinneq ingerlatissallugu pitsaasuusinnaavoq, taanna ajornartorsiuteqarnersutit imaluunniit ajornartorsiuteqalersimanersutit paasisaqarfiginissaanut tikkuussisinnaammat.
Spillemyndigheden imminut misilitsissummik ineriartortitsisimavoq, aningaasanoortartunut ikiortissarsiortariaqarnersut paasiniarneranni iluaqutaasinnaasumik.
Imminut misilitsissut uani nassaarisinnaavat.
Maluginiassavat imminut misilitsissut una taassumalu inerneri misissortinnermut taarsiunneqarsinnaanngimmata imaluunniit namminneq diagnosiliinermut atorneqarsinnaanngimmata.
Aningaasanoornermik ajornartorsiutinik aammalu aningaasanoornermut uerinermik ineriartortitsineq ingerlaavartumik pisarpoq, imminut misilitsissullu aningaasanoornermut atuinerpit ajornartorsiutinngorsimanersoq pillugu tikkuussisinnaavoq.
Imminut misilitsissutip inernera Merkur Betsimut ingerlateqqinneqassanngilaq.
Siunnersuineq katsorsaanerlu
Spillemyndigheden inuit, ilaquttat ikinngutillu aningaasanoornermik ajornartorsiuteqarnermik aamma/imaluunniit ludomanimik eqqugaasut ikiortissaannik ikiuisarfimmik neqerooruteqarpoq. Taanna AningaasanoortarneqUnitsiguk (StopSpillet)-mik ateqarpoq, oqarasuaatikkullu siunnersuineq kiisalu chat neqeroorutigalugit.
Attaveqarfissat uani nassaarisinnaavatit imaluunniit nittartakkap ataani logo toorlugu.
Aningaasanoornermik ajornartorsiuteqarlutit nassuerutigisimagukku Danmarkimi Kalaallit Nunaannilu katsorsarneqarnissamut neqeroorutit arlaqarput. Spillemyndighedenip allattorsimaffik nutartertuarpaa, uanilu nassaarisinnaavat.
Merkur Bets aamma ikiuutit
Aningaasat ikisinissaannut killiliissutit
Eqqaamasinnaasattut aningaasanoornermut kontot pilersikkakku aningaasat ikisinissaannut killiliissummik aalajangersaanissat qinnuigineqarputit. Killiliissutip aningaasaqarnikkut pisinnaasavit iluani aningaasanoornissat ikiorniarpaa.
Killiliissut tamatigut aningaasat nammineq aningaasaqarninni akissaqartissinnaasavit iluaniitinnissaa eqqaamajuk, pisussaaffitit allat ajoquserneqannginniassammata.
Killiliissutip appartinneqarnera ingerlaannaq atuutilissaaq.
Killiliissutip qaffanneqarnera akunnerit 24-t qaangiunneranni atuutilissaaq.
Imminut mattunneq
Aningaasanoornermut kontomut atasumik imminut mattunnissamut periarfissaq atorlugu Merkur Betsip aningaasanoorutaanut imminut mattussinnaavutit. Utaqqiisaasumik imaluunniit ataavartumik imminut mattunneq toqqarsinnaavat. Periarfissaq pillugu paasissutissat amerlanerusut tassani takukkit.
Imminut mattunneq toqqareerukku aningaasanoornermut kontonni aningaasaateqaruit taakkulu tunniunneqarnissaat kissaatigigukku sullitanut ikiuisarfik (Customer Support) attaveqarfigissavat.
ROFUS
Merkur Betsip saniatigut aningaasanoornermut kontonik allanik peqaruit, Spillemyndighedenip qitiusumik Aningaasanoortartut Kajumissutsiminnik Mattunneqartut pillugit Nalunaarsuiffia (ROFUS) atussallugu pitsaasuusinnaavoq. Nalunaarsorneq piffissami nammineq toqqakkanni aningaasanoorutinik tuniniaasartunit tamanit (qarasaasiakkut kasinorneq, eqquiniulluni akilerniuunneq kasinollu piviusut) aningaasanoornissamut mattussissaaq.
Merkur Betsip akisussaassuseqartumik aningaasanoornermut periuserisaa
Merkur Bets G4 Global Gambling Guidance Groupimik suleqateqalerpoq, taamaalillunilu akisussaassuseqartumik aningaasanoornermut periuserput gruppimi immikkut ilisimasalinnit uppernarsarneqarsimavoq. Quppernermi uani imarisat aamma X [katsorsaavik]-mut saqqummiunneqarsimapput.
Sullitatta aningaasanoornermi aningaasatigut atuinerat pissusilersornerallu malinnaavigissallugit pisussaaffeqarpugut. Sullitap aningaasatigut atuineranik misissuinitsinni ernumassutissaqartoq paasigutsigu, sullitaq attaveqarfigisinnaavarput, aningaasanoornermut atatillugu toqqagai eqqortuunersut eqqarsaatigeqqullugit.
Dato for tilgængelighedserklæringen
Denne erklæring blev udarbejdet den: 1.09.2026. (erklæringen opdateres løbende).